2024 日本 - 關東：尋找電視節目足跡之旅 day 7

今晚返香港，起身要先浸浴，然後食杯麵

收拾行李，然後退房，在酒店大常放下行李，喺上嘢周圍行，包括體育用品店及玩具店

喺玩具店睇咗好多嘢，攞咗好多靈感，可以出啲特別的產品習作

我哋一陣準備坐京成電鐵去機場，不過好耐冇試過，所以走去探吓路，同埋買定車票

大約2:00，我哋返酒店攞行李，再行去車站

買咗兩盒便當，坐京成電鐵去成田機場

好快去到機場，好順利寄哂行李

再喺機場行咗一陣

上機啦，東京Bye-Bye

2024 日本 - 關東：尋找電視節目足跡之旅 day 6

朝早8:00左右起身，當然要浸浴

然後食杯麵

今日11:00左右出發，繼續尋找劇集場景之旅，首先去品川

品川駅附近高樓大廈雲集，我嘅目的地是車站旁邊的品川シーズンテラス

經扶手電梯上平台，便會到達這個空間。

認唔認得呢個長水池？

同埋呢座大廈？

長水池是《東京白日夢女》嘅拍攝場景，KEY《坂口健太郎》一個人坐在藍色水池旁看東京鐵塔的場景，重有倫子《吉高由理子》搵KEY的位置，便是這個空間

除此之外，呢座大廈亦是《逃避雖可恥但有用》的拍攝場地，其中一集津崎平匡《星野源》及森山實栗《新垣結衣》在公園內扮野餐，讓工作中的姨母土屋百合《石田百合子》見到佢哋，土屋百合的辦工室就是這座大廈，而津崎平匡及森山實栗野餐的位置就是大廈對落的戶外平台公園

離開品川，我哋座山手線去目黑，繼續搵電視節目場景

目黑是東京的高尚住戶區，呢度唔單止房屋外形時尚，停泊的車輛都比其他地區高級，連小學生嘅校服造型都好高級，根據資料，木村拓哉都係住喺目黑

雖然今次的確搵住宅，不過唔係搵木村拓哉，今次係搵呢間

望落好陌生，亦都好難認，係東京愛的故事，赤名利香的住房，住得喺目黑，睇嚟利香都有家底

喺利香屋企行5分鐘左右，便到達白金棧道橋

可以見到山手線列車經過

呢度都係東京愛的故事場景，利香同完治喺呢個位置拍拖

我哋沿路行返去目黑站，喺車站附近的中華食堂一番館食嘢

喺食店旁邊買咗少少和牛

跟住坐鐵路去六本木一町目

呢度接近商業區，好多高樓大廈

不過我哋仍然搵緊日劇場景，就係呢間

呢套日劇唔算最熱門，亦係昨日其中一套日劇，就係東京白日夢女，主角倫子的住房

六本木一町木好近東京鐵塔，沿路已經見到，我從來未遊覽東京鐵塔，今日就行一轉啦

我哋冇登上塔頂，只喺商場逛逛，然後喺戶外影相

離開東京鐵塔，我哋乘坐大江戶線返上野

太太去吉池買嘢，我攞嘢返去酒店房

然後喺亞美橫町行咗一陣，上野駅広小路口新設一部大屏幕，有立體熊貓動畫

喺玩具舖逛逛，又喺體育用品店逛逛

跟住去吉池會合太太，買咗啲嘢，然後去食飯

回程返酒店途中，再夜探亞美橫町，睇吓有咩嘢特別食店，吓次去搵嘢食

然後返酒店執行李，明日返香港，有啲小插曲，執行李期間，發覺唔見咗隨身斜孭袋，由於護照、銀包及電話呢啲重要物件都放喺褸袋，冇放入斜孭袋，所以比較冷靜，諗一諗，應該漏咗喺食店，所以即刻跑去食店搵，好在有店員見到我個袋，幫我放好，我一去到食店，店員便將個袋比返我，有驚冇險

浸浴，再食啲士發啤梨，晚安