2012 日本 - 嘯後迎風 - 宮城縣、東京之旅 day 3

今日仙台的天氣冇昨日咁好，仍然有太陽，不過間中有雨。喺酒店食完早餐後，便退房

然後行過隔離租車舖攞車，一架新Ractis

擺好行李，大約10點，馬上出發！首先去位於仙台半山的仙台城遺蹟

這裡是一個一流的觀景台，可以清楚欣賞仙台市嘅全景

遠處更可以看見仙台海灣及沿岸情況，可以見到沿岸一帶是深色一片，相信是海嘯留下的痕跡。

我們再到旁邊的展覽廳，入面展示伊達政宗及仙台城的資料。

大約12點半，我們出發前往石卷。

災後一年，仍然可以喺石卷市見到不少海嘯嘅痕跡，仍然可以感受到海嘯的威力，相當驚人。

我們先到Hot橫丁石卷，一個由石卷市民齊心合力，為重建石卷市而建立的臨時飲食街

雖然外形簡陋，但充滿石卷市民對自己家園的感情，當然要支持啦！

我們開車在石卷市內周圍行，包括最出名的石之森美術館，可惜被海嘯嚴重破壞，事隔一年，仍然維修中，暫停開放，希望下次來到石卷市，可以入內參觀。

石卷市內大範圍地方也被嚴重破壞！

離開石卷市，我們前往南三陸町！

越接近南三陸町，越多海嘯的痕跡。

今晚入住的酒店亦曾經被海嘯影響，不過並不嚴重。

入住溫泉旅館，當然唔少得晚上的大餐，唔客氣啦！

這間酒店位於海邊，而且面向東，相信日出景色會非常吸引，今晚浸完溫泉，早啲瞓，明日要一早起身睇日出！晚安！