今早5:00起身，開始天光，不過有啲雲，未必睇到完整嘅日出，不過呢個太平洋海岸景色，真係非常無敵
今日天氣唔錯，雖然有啲風，不過都可以放飛機
開車去磯原駅
其實磯原站只是一個小社區車站，十分冷清
早前HOY電視節目「Call的去開餐」，介紹位於磯原站的山口屋食堂，有鮟糠水煱，我哋覺得好正，所以專登走嚟磯原站
好容易便搵到山口屋食堂
亦揀咗節目內的士司機坐的座位
我哋同店員講來自香港，重比咗HOY電視的片段給她看，她非常驚訝，竟然有香港人嚟磯原
店員十分熱情，當然我哋點咗鮟糠水煱
亦點咗餃子、炒菜同燒魚
就喺呢個時間，最有趣嘅一幕出現，有位食客進入食堂坐下，店員表現得非常興奮，同佢有講有笑，跟住店員同我哋講，原來他是電視節目內的司機加藤高雄先生！今次輪到我哋驚訝，電視節目唔係做戲，所有都係真實內容，亦可以話呢間食堂真係好嘢呢㗎！
加藤先生重比咗咭片給我
真係好味道，唔怪得有其他縣的居民去食，就連我哋香港人都去食
好近磯原駅，自己嚟啦！
食完之後，我哋出發去栃木縣足利市
先喺東海PA去個廁所
再喺出流源PA去個洗個面
大約4:00去到足利市
因為呢度係涉谷嘅佈景，其實呢度係片場
呢個片場搭建了涉谷十字路口的場景，不少電影、廣告及MV係呢度取景
最多人認識的電影作品，應該係今際之國的闖關者，就係喺呢個片場拍攝，然後再做後期加工
早前有網民話這片場不定期開放，所以走嚟呢度碰吓運氣，可惜當日冇開放，而且片場大範圍圍封，只有少量位置，可以望入去
唔緊要啦，如果下次有機會，再嚟碰吓運氣
片場旁邊有大片空地，一家大細可以喺度玩
我哋影咗一陣相，便離開足利市，去群馬縣的伊勢崎市
先去入油
我哋嚟伊勢崎市主要想去咗一間棒球擊球中心
日本人熱愛棒球，所以日本有大量這這類擊球中心，這間擊球中心最特別的地方，是安達充漫畫Cross game的場景，亦即是月島擊球中心的原型
擊球中心正門
4號擊球位置，真係有呢三個球速選擇
亦有掛起本壘打嘅牌
擊球中心內貼有Cross Game的內容做比對，包括咗擊球圍網、正門及擊球走廊，真是一模一樣
我嚟過日本咁多次，第一次去擊球中心，當然要玩吓啦，其實又唔算貴，¥260打20球，但初初玩真係唔容易，我已經選擇80km的球速，但掂到棒球的比率已經好低，要擊中棒球打出安打的比率更底，要攞到分嘅機會更加係零
我哋買咗少少嘢，便去旁邊松屋食晚餐
這酒店的Front Desk在13樓，可以無遮擋睇哂整個宇都宮市的夜景
天台重有大浴場及露天風呂，當然唔可以錯過啦
晩安
沒有留言:
發佈留言