2011 英國 - 利物浦.倫敦之旅 day 10

今朝起身先到大堂食早餐及上網搵資料，其實成日等機位，無乜影相！

我們到國泰櫃台等，大約11點，我自己先入候機室，等候12:30航班的後補機位，等咗好耐，其實時間已經12:30，仍然未嗌後補機位，原來有段小插曲，航班尚有三個乘客未出現，他們是中國遊學團學生，唔知去咗邊，他們的領隊非常焦急，由於登機時間已過，可謂等無可等，航空公司職員決定Off-load他們的行李，正當通話完畢，三名學生淚流滿面，急急腳出現，職員馬上停止Off-load行李，然後教訓了他們一兩句，即時推他們上機，航班便隨即起飛！

至於我，由於上唔到機，唯有在候機大堂等下一班機，要等六個鐘頭！

這六個鐘頭內面，我行遍整個候機大堂，食嘅著嘅睇嘅買嘅都無放過。

大約4點半，Susanna 同外母亦同時過關入嚟一齊等18:30的候補位！

買了少量手信後，便一同到候機室等嗌名！

過程非常緊張，當正價乘客全部登機，便到我們，同時有十多人一同等嗌名，首先我和外母可以先行上機，Susanna則仍要等待。

上機坐定後，Susanna尚未登機；近十幾年，每次坐飛機，都係同Susanna一起的，因此我仍然非常焦慮及擔心！

與此同時，手機收到Susanna成功登機的短訊，當堂放下心頭大石，我們可以一齊返香港，謝天謝地！

2011 英國 - 利物浦.倫敦之旅 day 9

今晚要返香港啦，所以食早餐後，便收拾行李，退房後放抵行李，然後出發前住聖保羅大教堂。

查理斯及威亷王子便在聖保羅大教堂舉行婚禮。

當日有新人在教堂舉行婚禮

我們先參觀教堂，有不少石雕像。

我們登上教堂的圓頂，有别於利物浦大教堂，埾保羅教堂不設旅客升降機，要上圓頂，便要行樓梯。

在教堂頂可以遠望倫敦市中心的全景

返完地面後，我們再到地的展覽室，這裡安葬了不少先人，相信他們是對倫敦有貢獻的名人，最後到啇店買了一些紀念品！

我們在教堂門外影相，22年前亦曾經在相同地方影相。

呢個時候聯絡咗Kelvin，可以五點左右到旅館載我們到機場，太好啦！

剛才舉行婚禮的新人，現在亦在教堂門外影相，我們當然在場睇熱鬧及送上祝福，不過新娘好似好大年紀，成個卡米拉咁樣！

大約兩點離開聖保羅教堂，坐地鐵返回King Cross，地鐵票(Oyster)已經不需再用，所以退票並取回按金。

我們在King Cross站作最後景點，此車站的規模龐大，除了國內長途列車外，更可乘坐Eurostar前往巴黎。

我們在站內逛街，買了小量紀念品，大約4點半返旅館，收拾全部行李後，Kelvin便開車到達旅館，然後載我們往機場，唔該哂！

到達希斯魯機場後，與Kelvin道别。

先做退税手續。

然後Check-in，點知................

航機有問題，肯定今晚無機位走，而且濟留人數衆多！

 點算！

依家最重要係揾酒店落腳，但係冇得上網，所以我們在機場酒店Counter訂房，喺Terminal 4嘅Hilton，好貴呀，3人房要4xx鎊，好似搶錢！

我們到達酒店後，先放下行李，然後到酒店大堂上網搵資料，了解明天的航班情況，希望明天可以上機。

成晚無食嘢，只係食三文治，半夜重有消防警鐘誤鳴，攪到成晚無覺好瞓，有無攪錯！

2011 英國 - 利物浦.倫敦之旅 day 8

今早在旅館食早餐後，便出發前住白金漢宮 (Buckingham Palace)。

我們坐地鐵到Victoria站，然後沿路行往白金漢宮

當我們行到皇家馬房 (The Royal Mews)，便詢問白金漢宮購票情況，但工作人員說今天的入場門票已經全部賣哂，唔會再有即場入場卷，既然如此，唯有放棄入白金漢宫，淨係入皇家馬房。

其實皇家馬房也有很多有價值的展品，包括王子大婚時使用的座駕，女王出席宴會的馬車等。

我們亦在紀念品舖買了一些紀念品

離開皇家馬房後，我們沿路行往白金漢宫

我們沒有入內參觀，亦沒有睇換班儀式，只在正門影相，非常多人。

我們沿林蔭大道慢慢行往特拉法加廣場

沿途經過不少皇室成員居住的地方。

一邊行，一邊影相，大約行咗一個鐘頭，我們到特拉法加廣場

22年前亦在這裡影相，今次再到相同地點影相。

聯絡上Kelvin，他帶我們到一間餐廳食午餐，幾特別的裝修，要搭落地牢。

我們食意粉及青口，相當美味！

食完午餐，我們準備到Abbey Road，Kelvin有時間，而且話住喺倫敦咁耐都未去過，想睇吓係咩地方，所以車我們去Abbey Road。

其實Abbey Road 只是一條好普通的街道，但是當Beatles 在這段路上的班馬線拍攝唱片封套後，這段斑馬線即成為樂迷的景點，每天有無數樂迷在斑馬線上行來行去，非常有趣。

Kelvin曾經路經這，以前不明白為何這些人會在斑馬線上來來回回，現在明白了！

影了幾張相後，Kelvin載我們返酒店，唔該哂！

時間尚早，我們坐地鐵去Harrods。

紀念品

女裝

玩具

體育用品

戴妃紀念角

買咗小小紀念品，到Harrods收舖便返酒店。