2016 日本 - 東京隨意閒玩之旅 day 6

由於昨晚檢查機位，發現下午航班的機位突然變得緊張，唯有放棄今天早上的行程，一早6:30起身，去食早餐

7:30便check out，拿拿聲還車，然後去機場

櫃台小姐幫我們check咗好耐，始終我們是後補機位，她打了多個電話，非常幸運，我們攞到登機証！可惜已經沒有時間買士多啤梨，今年過年冇得食！

當然又要拿拿聲跑入去啦！

東京，Bye-bye！

2016 日本 - 東京隨意閒玩之旅 day 5

今朝8:30左右起身，食完杯麵後，大約10:30退房，先在酒店放下行李，然後到淺草行街

其實淺草範圍相當大，街道縱橫交錯，首先有大寺廟，有參道，多條商店街，又有飲食街，又有大商場，仲有劇場及遊樂場，如果要深度行，一個星期都唔夠！

全是鮑魚刷製品

行吓行吓，行咗去合羽橋

這裡主要賣廚房用具，有家庭式，亦有業務用，有零售有批發，各式其式，絕對目不暇給，可以話乜兜都有，乜夾都有，乜攪都有，乜煲都有，乜鏟都有，乜叉都有！

大約1:00，我們行到稲荷町，在車站附近有間錢湯，我們又去這裡浸浴

這間錢湯更抵玩，460円，雖然規模比巢鴨的溫泉細，亦沒有食店，但基本設備齊全，有按摩池，有藥池，當然唔少得露天風呂，而且更加地道，十足日戲的場景，非常有趣的體驗，相信將來去日本，都會去錢湯！

大約2:00我們坐地鐵到吾妻橋

首先在松屋食飯

跟往到旁邊的豐田租車

今次又連同ETC一齊租，更好嘅，係個店員幫我運用積分，原本8000円的租車費，變咗1000円！唔該哂！

首先返酒店攞行李，跟往出發去品川aeon行百貨公司

現時訪日旅客只要上aeon網頁登記，便可憑barcode在aeon各顧客服務處換領95折優惠劵，優惠劵可無限使用，今日用完，明日又可以再換領，再加上aeon現在可以退稅，可以慳返唔少！

我們在商場內的食店食海鮮飯

大約9:30，我們離開品川，前往羽田，入往東橫inn。

上網再check機位，發現明日下午航班突然over book，上午航班亦變得非常緊張，相信明日要晨早去機場博一博，睇睇有冇後補機位，本來打算明日早上可以再逛逛及買士多啤梨，睇怕買唔到啦！唯有今晚早啲瞓，明日早啲起身啦！