2012 日本 - 埼玉縣 - 東京之旅 day 6

今日6點起身

食完早餐後，便攞整行李行過去京急品川站

坐鐵路去羽田機場，結束短短6日嘅東京之旅

東京，Bye-bye！

2012 日本 - 埼玉縣 - 東京之旅 day 5

前幾日好早起身，今日全日喺東京，所以瞓晏啲，我自己大約8點起身，食咗杯麵後，自己一個人喺東京半日自由行，先去秋葉原

不過去到先發覺傻咗，因為太早，大部份店舖未開門，所以行咗一個圈，就坐車去新宿

今次去咗新宿都廳，因為都廳有個唔洗錢嘅展望台

今朝天朗氣清，景色廣濶，視野良好，甚至望到富士山

我第一次喺東京望見富士山，原來真係見到！

都廳有南座及北座展望台，兩個都唔洗錢，真扺玩！

大約12點，我返回品川的酒店，與susanna會合，然後前往馬喰町。

馬喰町專賣衣履用品，整個地地區的的商舖都出售與衫褲鞋襪有關的產物，而且有不少是批發商，類似香港的大南街，但係規模比大南街更大！

我們先在吉野家食飯

然後在毛巾舖買了一些毛巾

大約四點，我們離開馬喰町，前往上野！

已經唔記得走去過幾多次上野，總之每次嚟東京也會去上野，離不開買手信，買體育用品，重有食嘢！

大約9點，我們離開上野，返點回酒店，收拾行李，準備明日早機返香港！

2012 日本 - 埼玉縣 - 東京之旅 day 4

今朝都係六點半起身，不過既然喺溫泉旅館，當然要浸個靚浴先啦！

今朝嘅早餐喺大廳入面，亦相當豐富

房間入面嘅小陽台設有小型浸腳盆，朝早起身浸浸腳，成身都溫暖哂！

退房後，我們前往附近的道之站及養場直賣場，好多嘢賣！

大約11點，我們出發前往川越

川越是日本一個古老地區，直到今日，仍然保留了不少江戶時代的建築物，當中以鐘樓最出名，亦是當地的地標，

不過，現存的鐘樓並非古董，因為原來的鐘樓已被大火燒毀，現在的鐘樓是災後重建的。

我們在川越街道上影相，亦買了不少當地特產，

其中番薯產品非常出名，我們買了番薯雪糕及燒餅

大約兩點，我們離開川越，出發返回東京，不過沿途塞車，結果5點半才去到東京品川的酒店，遲哂大到，還車時要補錢

喺酒店安頓後，我哋出發去新宿，行電器舖，重有食牛扒餐

最後大約10點半返酒店，好凍好大風！