2016 日本 - 東京隨意閒玩之旅 day 2

今日是猴年大年初一，祝福大家身體健康，恭喜發財！

今日8:00左右起身，然後食杯麵。

大約11:00，我們出發，昨日留意到酒店附近有Bandai的展館，所以去睇睇

其實這裡是Bandai的營業部及辦公室，館內沒有太多展品，而且不可影相，反而館外擺放很多經典漫畫人物的擺設，有不少途人影相

大約12:00，我們出發前往台場

嚟到台場，當然要同高達影相啦

途中，見到有和牛串燒，我哋亦食咗一串，美味！

我們在商場內周圍行，買嘢食嘢，行咗四五個鐘頭。

亦去富士電視台，好耐冇嚟過啦！

富士電視台內的展覽館，展出日劇HERO2的職員証及名片

大約5:00我們離開台場，前往新宿

我們在地下街見到有展銷會，原來是日本刑務所的產品，相信是在囚人士在獄中的製品，有傢具文具食具及食物，我們買了很多產品！

我們好耐冇試過探索新宿，所以今晚搵咗幾過地方，首先是都廳前的行車橋，在NHK晨間戲「小希」中，土屋太鳳由能登半島坐巴士到東京尋找夢想，在東京落車的地方，就是這位置！

另一個地標，是LOVE字的擺設，記得喺最早期的日戲「GTO」內，反町隆史曾經在這裡等他的學生！

我們在BIG CAMERA內睇電器用品

大約8:00，我們在新宿西口的思い出横丁內食拉麵及餃子！

大約9:30，我們準備離開新宿，不過再發現另一個日戲拍攝地點，在「想起這段戀情定會流淚」中，有村架純坐貨車從北海道來到東京，第一個落腳點，便是新宿西口，ibis酒店對面馬路！

大練10:00返到酒店，浸個靚浴，食啲水果，晚安！