今日6點起身，去咗大浴場洗面刷牙浸浴，然後食杯麵；
勝浦最出名係朝市，所以我哋先行去朝市睇睇，都算有好多嘢睇，
不過同輪島朝市比較起來，便差得多了，輪島朝市明顯比較熱鬧，勝浦朝市則比較簡單。
我們大約行了一個鐘頭，便返酒店攞車，先在勝浦市兜咗一個圈，然後到車站旁邊的紀念品店買了一些手信，跟著出發前往養老溪谷。
途中在一間農場直賣店買食物。
養老溪谷是千葉縣著名的風景區，雖然冬季的景色不及秋季的紅葉，但由於遊客較少，因此在溪谷內漫步亦是賞心樂事。
我們先到車站了解養老溪谷的旅遊資料，最初唸住要步行，但泊車後，行了一小段，發覺原來可以行車，所以便上車繼續行程，好彩冇人問我們收泊車費。
我們先到山上的大福山展望台，欣賞山谷景色，然後到觀音橋，橋下是中瀨遊步道，是養老溪谷主要的觀光位置，風景優美，相信秋季時分，滿山紅葉的景色會更加迷人。
離開養老溪谷後，我們本來想去農場食士多啤梨，不過途中先到了一間道之港食拉麵，買手信及瘋狂試食。
再經過鴨川的潮騷市場及吉之島後，我們便放棄食士多啤梨的行程，改為行街買嘢食。
大約6點到達白濱的溫度旅館，
先食一餐豐富的自助蟹腳及魚生刺身晚餐，實在太瘋狂啦！淨係源源不絕嘅蟹腳同剌身都有排食，非常滿足。
飯後再浸個靚浴，晚安！
沒有留言:
發佈留言