2013 日本 - 愛知縣岐阜縣之旅 day 3

昨晚浸浴後好好瞓，差不多8點才起身，跟住喺route-inn食早餐

本來唸住上午去馬籠宿，但現在仍然落大雨，要搵啲室內地方行吓先，所以先去酒店對面嘅yellow hat，睇吓汽車精品

仍然落雨，所以再去參觀另一見學工場ちこり村

基本上我哋唔知咩係ちこり，只知道這個工場製造米酒，我哋參觀ちこり的加工過程，

當然唔少得試飲試食啦，呢隻米酒的酒精有30度，飲落口相當刺激，我要駕車，唔敢飲太多

呢啲就係ちこり，中文叫菊苣

買咗少少嘢，佢哋送咗好多芽菜比我哋

離開ちこり村，終於停雨，我哋開車去馬籠宿

馬籠宿係古代日本中山道其中一個休息地方，現今成為旅遊景點，展示日本昔日的宿場環境

我哋在其中一間食店食飯

買咗少少食物，便離開馬籠宿，出發前往下呂

途中有好多好靚的風景，包括河川及櫻花

亦喺道の駅加子母休息

大約5點到達下呂，我哋入住水明館，規模相當大，淨係大浴場都有6個！

我們在下呂附近行咗一陣

但河上太大風，我們返回旅館，準備食大餐

原來我訂咗食法式西餐，第一次喺日式溫泉旅館食西餐，雖然冇日式咁大堆頭，但亦相當美味！

其中的網燒飛驒和牛真係非常滑及鬆軟！

食飽後，我哋再行溫泉街，搵咗幾個足湯地點，不過氣氛不及草津溫泉

返回旅館後，舒舒服服浸浴，晚安！