2013 日本 - 青森，東京之旅 day 1

今朝好凍，一早5點起身只有12度，好在阿邦幫我哋開車去機場，真係唔該哂，我哋又係好遲才攞到登機証，又要跑入閘，可惜羽田機冇哂位，要坐成田機，唯有到步之後，再坐巴士去羽田啦！

大約1點45分到達成田機場，因為要趕巴士，所以嗱嗱聲攪掂入境手續同攞好行李，剛好駁上2點35分嘅羽田巴士，但係要每位3000円，好貴呀！

4點左右到達羽田機場，

好快攞到登機証，不過青森落大雪，如果航班唔能夠降落，便會折返東京！今晚唔知喺東京定喺青森過夜！

喺機場食喬麥麵。

然後上機，青森，我嚟啦！

大約7點45分到達青森機場，好大雪！好彩可以順利降落！

我哋乘搭巴士前往青森站，入往route-inn。

check-inn之後，再落街行咗一陣，買咗少少嘢，仍然好大雪！影咗少少相，跟住返酒店，浸浴，晚安！