2017 日本 - 東京，千葉之旅 day 2

昨日好攰好攰，今朝瞓到10:00才起身，本來想去浸浴，不過原來10:00關門，冇得浸，唔緊要啦，今晚再浸

喺房內面食杯麵

大約11:30出發，今日先去馬喰町，買咗好多衣履用品

這間賣衣履配件的店鋪，好多嘢睇，但搬了位置，差啲搵唔到，好彩只搬往旁邊，又逛咗一輪

跟住沿路行去淺草橋

這裡亦是東京下町地區，有不少地道商店，我們在這裡睇文具

食鯛魚燒餅，燒餅內是北海道紅豆，好熱，好美味！

我們在淺草橋的文具店行咗一陣，但原來旁邊有一間更大規模的文具店，不過今日6:00收工，今日唔睇住，明天再嚟睇過！

我們先食少少嘢

跟住坐車去台場

嚟到台場，當然要行去搵高達，途中在行人天橋上，竟然見到富士山！

下次放假最快都要復活節，到時高達可能搬走，今次一定要搵高達影相，可能係最後一次

影完相，行咗一陣，買咗少少嘢

行出台場海濱公園方向

原來好耐冇嚟過這個海灣邊旁，更加未試過喺度睇夜景，影返幾張相先！

大約8:30，我們坐車返上野

今朝冇浸浴，今晚當然要浸啦！最後食埋酒店提供的拉麵做消夜，大滿足，晚安！