今早6:00起身
喺温泉旅館,朝早當然要浸浴
7:00要去食早餐,重有少少時間,天氣好好可以放航拍機,先試一試飛
7:00去食早餐
8:30左右返房,再放航拍機,可以睇到好清晰嘅海岸景色,亦可以睇到真鶴岬的面貌
10:00退房
開車前往真鶴岬放飛機
喺這位置放航拍機,更可以清晰睇到真鶴岬的原貌
既然天氣好,又冇落雪,一於前往Skywalk
途中突然見到富士山,所以即刻搵地方停車,影相及放飛機
去到skywalk,有啲肚餓,先食少少意粉
然後買入場卷,行Skywalk
可惜富士山被雲遮咗少少,本來這位置應該有富士山絕景㗎!
算啦,呢幾日都見到富士山,下次再嚟呢度再睇過
我哋喺吊橋另一邊食雪糕
這裏有不少遊樂設施,有繩索,雙輪平衡車
離開Skywalk,我哋去小田原市
首先去小田原漁港
不過唔係食嘢,而係搵魔蟹水渠蓋,高達總監督富野由悠季在小田原出身,所以特別在小田原市內,設立了幾個高達設施,魔蟹水渠蓋是其中一個
另一個是高達水渠蓋,在小田原站前的商店街,其中一塊水渠便是高達水渠蓋
除左水渠蓋,在小田原站的其中5條地下街梯級,亦畫有高達及魔蟹的場景
由於小田原地下街有不少梯級,要搵這5條亦不容易,可以先上網,搵出梯級的編號,去到小田原站地下街,便好容易搵哂5條梯級
雖然已經日落,不過亦只係5:30左右,時間尚早,我哋夜探小田原城
20年前嚟過一次,已經冇哂印象,今日再嚟睇吓
大約6:30,我哋喺小田原站附近食晚飯,店員非有有心,一直協助我哋點餐,重教我哋安裝咗一個翻譯Apps,幾好用
去小田原站的書店睇書
重大啲時間,去咗附近的超市
離開小田原市,我哋開車前往立川,喺高速公路上,有架警車在我車後閃燈,我相信我是超速,我讓開條路比警車過,警車在我車旁邊平排行咗幾秒,再透過廣播用日文向我講咗幾句嘢,我唔知佢哋講乜,正諗往慢慢減速停車之際,警車加速開走咗,唔知我係咪已經被抄牌?還車時會唔會罰錢?
去到立川市的酒店,沒有車位,要泊到酒店附近的停車場,不過價錢平,24小時都只要¥1200,酒店只有一個浴場,所以男女要分開時段浸浴,其中午夜12:00前是女湯,12:00後是男湯,我哋分時段去浸浴晚安
沒有留言:
發佈留言