今早5:00起身,開始天光,不過有啲雲,未必睇到完整嘅日出,不過呢個太平洋海岸景色,真係非常無敵
這酒店天台設有露天風呂,可以欣賞這個海岸景色
食杯麵
今日天氣唔錯,雖然有啲風,不過都可以放飛機
大約11:00退房
開車去磯原駅
其實磯原站只是一個小社區車站,十分冷清
我嚟嘅目的,最主要係食鮟糠水煱
早前HOY電視節目「Call的去開餐」,介紹位於磯原站的山口屋食堂,有鮟糠水煱,我哋覺得好正,所以專登走嚟磯原站
好容易便搵到山口屋食堂
亦揀咗節目內的士司機坐的座位
我哋同店員講來自香港,重比咗HOY電視的片段給她看,她非常驚訝,竟然有香港人嚟磯原
店員十分熱情,當然我哋點咗鮟糠水煱
亦點咗餃子、炒菜同燒魚
就喺呢個時間,最有趣嘅一幕出現,有位食客進入食堂坐下,店員表現得非常興奮,同佢有講有笑,跟住店員同我哋講,原來他是電視節目內的司機加藤高雄先生!今次輪到我哋驚訝,電視節目唔係做戲,所有都係真實內容,亦可以話呢間食堂真係好嘢呢㗎!
加藤先生重比咗咭片給我
真係好味道,唔怪得有其他縣的居民去食,就連我哋香港人都去食
好近磯原駅,自己嚟啦!
食完之後,我哋出發去栃木縣足利市
再喺出流源PA去個洗個面
點解涉谷冇行人?點解涉谷喺足利市?
因為呢度係涉谷嘅佈景,其實呢度係片場
呢個片場搭建了涉谷十字路口的場景,不少電影、廣告及MV係呢度取景
最多人認識的電影作品,應該係今際之國的闖關者,就係喺呢個片場拍攝,然後再做後期加工
早前有網民話這片場不定期開放,所以走嚟呢度碰吓運氣,可惜當日冇開放,而且片場大範圍圍封,只有少量位置,可以望入去
唔緊要啦,如果下次有機會,再嚟碰吓運氣
片場旁邊有大片空地,一家大細可以喺度玩
我哋影咗一陣相,便離開足利市,去群馬縣的伊勢崎市
先去入油
我哋嚟伊勢崎市主要想去咗一間棒球擊球中心
日本人熱愛棒球,所以日本有大量這這類擊球中心,這間擊球中心最特別的地方,是安達充漫畫Cross game的場景,亦即是月島擊球中心的原型
擊球中心正門
擊球中心內貼有Cross Game的內容做比對,包括咗擊球圍網、正門及擊球走廊,真是一模一樣
我嚟過日本咁多次,第一次去擊球中心,當然要玩吓啦,其實又唔算貴,¥260打20球,但初初玩真係唔容易,我已經選擇80km的球速,但掂到棒球的比率已經好低,要擊中棒球打出安打的比率更底,要攞到分嘅機會更加係零
今日擊球中心的使用者不多,但亦見到有些打得好好的使用者離開擊球中心,我哋前往大型家品店,喺家品店見到有一名香港移民,佢喺伊勢崎住咗4年,佢話喺伊勢崎市未見過香港人,他很驚訝竟然有香港人去伊勢崎
我哋買咗少少嘢,便去旁邊松屋食晚餐
然後出發去宇都宮市
沒有留言:
發佈留言