退房後，酒店唔可以保管行李，唔緊要，攞埋一齊行
天朗氣清，相信可以看見富士山，所以走去新宿都廳展望台，的確睇到富士山，不過冇上次咁清楚。
影咗幾張相，離開都廳，前往一些未去過的地方，第一站選擇自由が丘
我唔知自由が丘有咩睇，不過之前睇電視介紹一間喺自由が丘的意大利餐廳，原來是拍攝日戲律政狂人的場景，所以走去望吓！
行咗一陣，再去車站附近的超市買咗啲宇都宮餃子同其他食物，跟往返車站，
去到車站，時間尚早，唔知去邊度，左唸右唸之際，見到去橫濱的車票只要260円，唸唸吓真係好耐冇去過橫濱，所以就去橫濱！ (咁就出事啦)
首先去日產展館，這裡展出多款日產汽車，亦展出舊款的GTR！
本來想去鐵道模型館，不過原來逢星期二休館，冇得睇，再行過啲有水上巴士遊覽船，反正有時間，就坐船啦
遊覽船由橫濱站出發，先到紅磚舊貨倉，然後再到山下公園，船程大約40分鐘，可以欣賞橫濱港景色，今日天氣相當晴朗！
到達山下公園，我落船，本來唸住周圍行，就喺呢個時候，我發現唔見咗銀包！我喺船上找不到，我左唸右唸，好大機會漏喺售票處，我即刻坐回程船返回售票，可惜已經找不到，職員帶我到失物登處查詢，及寫下我的資料，另外，職員亦提議我到警局報警，我在警局登記資料後，已經沒有其他辦法，只好等消息
現在唯有撘車返回東京，到池袋的酒店攞房！本來可以自由自在輕輕鬆鬆嘅東京之旅，睇怕要蒙上陰影！
攞咗房後，我再出外，成日冇食過正餐，要搵嘢食，結果去咗松屋食飯
再喺池袋行街，我有10年冇去過池袋，喺度買咗啲嘢食，跟住返酒店，同susanna視像通話。
晚安
沒有留言:
發佈留言