2014 日本 - 一個人在途上：東京之旅 day 4

早上起身先沖涼，今日唔浸浴啦，呢個浴場啲水好熱好熱，淨沖身洗面算數。喺酒店入面食早餐

退房後，先放下行李，然後出去買嘢食嘢，可惜時間尚早，好多店舖未開門

行咗一陣，可能剛才唔係食好多嘢，有啲肚餓，又見到一蘭唔洗排隊，所以又食咗碗麵。

跟住就喺上野橫町辦年貨，買咗好多嘢，食嘅，著嘅，用嘅，玩嘅都有。

大約12點半，返酒店攞返行李，執好啱啱買嗰啲嘢，差唔多pack咗半個鐘頭

攪掂之後，先落街買士多啤梨，雖然唔知好唔好食，不過算平，4500円三大箱，一於用嚟拜年。

再去吉野家食啲嘢

準備去機場！坐JR去品川，然後轉京急線去羽田，睇嚟係最平嘢路線，560円攪掂！

 
由於尚未到達返港高峰期，所以航班並不多人，好快攞到登機証，喺機場行咗一陣買咗少少嘢

然後上機！

再見，東京，當然仲有我嘅銀包啦，Bye-Bye！