今朝6:00到達機場,久違了嘅寄行李、久違了嘅安檢、久違了嘅機倉廣播...........東京,我嚟啦!
今日天氣唔好,紅色暴雨,航班要排長龍,結果遲咗1個鐘頭起飛,久違了嘅高速起飛、
久違了嘅飛機餐............
久違了嘅機上電影,今次有《孤島診療所2022》,我未睇這套戲,當然要睇啦!
我好鍾意這系列的漫畫、電視及電影,亦專登走去與那國島朝聖,所以電影內好多場景我都去過
大約3:15到達成田機場,比原定時間遲咗45分鐘,久違了嘅入境手續
今次我唔係租車,唔係機場巴士,亦唔係坐京成電鐵,而係在網上book咗預約車,由成田機場直接點對點去到酒店,由於首次使用,所以今次安排司機舉名牌,但航班延誤,我好擔心入境手續會用好多時間,如果我4:30未出到入境大堂,司機便會離開,好彩4:10左右完成入境手續,順利會合司機
順利上車
久違了嘅公路
久違了嘅路牌
順利去到酒店check-in
安頓後,便去食拉麵,呢間中華料理食過好多次,冇變過,仍然喺度
今晚係隅田川煙花祭,我哋喺上野慢慢行去隅田川附近,沿途已經聽到放煙花嘅聲音,有好多日本人就咁喺附近嘅橫街睇,我哋冇繼續行,同當地日本人一齊企喺橫街睇煙花
隅田川煙花已經停咗三年,今年復辦,相信有好多人參與,我哋冇行去會場中央,避免同其他人擠迫
睇完煙花,返酒店,喺酒店樓下的便利店買咗少少嘢
當然唔少得浸浴
晚上喺 Dormy Inn 浸浴後,有自助雪條
晚安!
沒有留言:
發佈留言