今朝6:30起身，先去浸浴
房間窗外是一大片森林景色，非常壯麗
跟住排隊等位食早餐，同樣要攞籌排隊，差不多9:00才攞籌，前重有廿幾個籌
食完早餐，休息一陣，大約11:00退房
今早首先開車去那須山
途中在那須高原展望台影相，景色壯麗
喺山簏站泊車，然後坐吊車上那須岳
我們沒有行上山頂，只在車站附周圍行吓，影吓相
山上的天氣變幻莫測，為免一陣可能落雨，所以行咗一陣之後，都係返落山
返到山簏站，我們再開車，沿途見到一處大停車場，只有極少車停泊，附近的店舖沒有營業，好似荒廢的小社區，啱晒喺度放飛機
飛咗一陣，便繼續開車，途中又見到另一特別景點殺生石
我冇特別研究過那須的景點，只喺經過這位置，有停車場，有廁所，亦有不遊客，所以我哋喺度行吓
翻查資料，據說這是封印九尾妖狐的地方
離開殺生石，我哋繼續喺那須遊遊蕩蕩，先去超市買啲嘢
跟住去大麻博物館，其實非常細少，只是一間小小店舖，我哋睇咗一陣便離開
跟住去熊公仔博物館，昨晚我哋喺酒店，見到熊公仔博物館有龍貓展覽，所以專程去參觀
未入場已經有大龍貓展品
龍貓會場佔據咗一整層展館，入面有好多龍貓場景，當然唔少得貓巴士及煤炭屎鬼
5:00展館關門，我們離開那須，諗起有時間，不如北上去須賀川搵咸蛋超人
咸蛋超人監督圓谷英二是福島縣須賀川人，超人故事喺日本家傳戶曉，須賀川街道當然會搵到咸蛋超人嘅身影
所以須賀川市在市中心街道上，設置13個咸蛋超人角色像
我嚟須賀川，當然都係為咗呢啲咸蛋超人像
可惜相關的紀念品商店已經關門，冇得買，唔緊要，有機會下次再嚟
7:00左右，我哋離開須賀川市，去高崎市
途中喺栃木縣嘅那須高原SA食嘢
沒有留言:
發佈留言