今早8:00起身，首先去浸浴及洗衫
然後食早餐
由於今晚仍在這酒店，所以不用趕住執行李，食完早餐後，便行去高崎駅
太太喺高崎站旁邊的藥店買嘢
我自己喺高崎站附近周圍周圍行，今日好熱好曬
當年電影頭文字D在群馬縣取景，當中高崎市都有電影場景
包括這個十字路口
藤原拓海喺山路賽贏後，落山進入高崎市，便先經過這個十字路口
經過十字路口後，高橋涼介在路邊等待藤原拓海，他們二人便在這建築物前飲罐裝飲品
然後藤原拓海沿這單程路離開
今日群馬仔在高崎駅有活動，吸引很多街坊在這裏
早前睇電視節目瀛知有密，得知群馬縣盛產蒟蒻
當中介紹蒟蒻公園有大量蒟蒻產品，所以去參觀
呢度係一個以蒟蒻為主的大產業地點，有工場、有展覽館、有商場、食店、遊玩設施，應有盡有.....
全冇特別要求，行入去就可以任食，我哋今日嘅午餐都喺呢度攪掂，所以好多一家大細在這裡開餐，冇停過，好熱鬧
當中以蒟蒻拉麵及炒麵最受歡迎
我哋當然唔會錯過啦，我唔客氣啦！
4:30左右，我哋離開蒟蒻公園去涉川，途中非常大雨，風雲變色
到達涉川後，先去入油
雖然呢個油站平平冇奇，其實SHIMIZU セルフ行幸田SS喺香港好出名，差不多20年前的電影頭文字D中，戲中的油站便是這位置
過咗咁多年，油站的布置唔同咗，收錢的辦公室亦唔同咗，油搶的布置亦不同，連附近的商店都有分別
不過，只要細心與電影相比，點都搵到少少痕跡
離開油站，跟住去行超市及100円店
可能剛才嘅蒟蒻自助餐唔夠喉，突然好肚餓，去食牛肉飯
跟住喺涉川街頭影咗少少相
再返去100円及再行超市
準備搵地方食嘢，發現孤獨的美食家曾經在高崎市內的居酒屋取景，而且未收工，所以去這居酒屋食嘢
返到高崎市後，泊好車，居酒屋亦有位，我們可以入內
喺日本，我未試過在居酒屋食晚餐，這裏是家庭式氣氛，雖然言語不通，但店員（可能是老闆）好努力同我哋交流，我們講來自香港，他便知道我們有睇孤獨的美食家，反而旁邊有位食客好像不知道這居酒屋曾經上電視
重有，我估日式居酒屋有個規矩，就係坐低後先叫飲品，再點食物，喺我哋揀食物時，老闆便叫我哋睇飲品menu及揀飲品
跟往開車返酒店，浸浴，晚安
沒有留言:
發佈留言