2020 日本 - 瀛知有密關西之旅 day 5

今日6:00起身，當然要先去浸浴

食早餐

10:00退房

喺有馬溫泉街行咗一陣

買咗少少嘢

離開有馬溫泉，我們沿芦有收費道路前往兵庫縣的芦屋市

途經有馬展望台

繼續前往芦屋市，今日天氣較差，沿路大霧

再到東六甲展望台

可以望見整個大阪平原及神戶市，環境廣闊，唔怪得好多人在這觀景台睇夜景

我哋身處嘅芦屋市，係兵庫縣嘅高級住宅區，四處所見，都是豪華獨立大宅，每間屋都有特色，有啲似香港嘅跑馬地，並非其他地區所見的單一設計

至於點解我哋會嚟芦屋市？又係因為早前「瀛知有密」入面，「連續調職日劇」兵庫縣編，當中提及芦屋市的資料

當中女嘉賓對自己在芦屋市出生感到非常自豪！

順帶一提，節目中亦指出，如果向大阪市婦女，說她們像神戶人，她們便非常開心，可見芦屋市在關西地區的地位！

另外，節目中亦介紹這間超市

我哋都有去這超市

這超市不似普通大型超市，面積不大，有點似香港的Citysuper或者Log-on，而且位處芦屋市，居民應該是中產或以上，所以眼見各顧客也十分高貴大方，小朋友的衣著亦明顯不同，停車場的車輛也是高價車款，當然貸品亦比較高檔！

這超市擁有自家品牌

其中以這班戟粉最出名

喺超市入面，好容易搵到這班戟粉，我們亦買咗一盒，亦買了另一款御好燒材料

劇中指出關西人都希望擁有這超市的紙袋

我哋喺呢度買嘢，順理成章攞到這個紙袋

另外，這超市引入很多外地產品

因此，可以買到香港出產的麵

臨走時有啲肚餓，買咗啲麵包，喺車上面食

*剛剛睇Youtube，有個日本超市排名，原來ikari的排名極高，屬於「特權階級」，唔怪得啲貨品咁高尚，顧客咁高貴（不過唔包括我，我只係遊客）！(更新20220612)

離開超市，我們到附近的Uniqlo買嘢，依家好多Uniqlo都可以退稅，唔洗左搵右搵

跟住我們去神戶站附近的舊區

搵一間御好燒食店

又係「瀛知有密」的報料，指出神戶市有一種特別的御好燒，利用紫菜卷起御好燒，成為當地美食

我哋搵到這間食店

十分地道的食店，大部分食客坐喺有鐵板的吧檯，沒有漢字，沒有相片，面積細少，但仍有展示御好燒卷的相片及上電視的記錄

其實我哋未試過幫襯這種地道食店，我諗店主都極少招待這種外國人，我哋喺電視節目中，知道紫菜御好燒卷的日文，點了兩份

但發覺婆婆正在用醬油炒麵，味道十分香，所以我們即刻改單，只要一份御好燒卷，再加一份醬油炒麵

兩款食物也十分美味，而且平宜，兩樣加埋，都只係1000円，又飽肚，我哋同店主講，我們在香港睇完電視，再嚟神戶搵這間店鋪，店主亦表示十分驚訝，連其他食客亦好奇，與我們傾談

根據節目，連大阪人也不知道有這種食物

當然，節目主持人都話好味

離開食店，我哋去咗附近的Autobus買嘢，然後再去AEOM MALL行街

返回芦屋市，我哋先去超市買少少嘢

然後去超市旁邊的溫泉

這溫泉規劃相當大，比得上巢鴨的溫泉，我們在這裡浸浴，然後食晚餐，美味美味

跟住我哋去甲子園球場旁邊的酒店

酒店提供的毛巾，也印有甲子園的字樣

食啲水果，晚安